હવે આધાર કાર્ડ WhatsApp પરથી સરળતાથી ડાઉનલોડ કરી શકશો, જાણો કઈ રીતે

અધાર કાર્ડ ભારતીય નાગરિકો માટે એક મહત્વપૂર્ણ દસ્તાવેજ છે અને તેના વગર ઘણી સરકારી અને ખાનગી સેવાઓ મેળવી શકતા નથી. બેંક ખાતું ખોલવું હોય, હોટલ બુકિંગ કરાવવી હોય અથવા ટ્રેન ટિકિટ ખરીદવી હોય, દરેક જગ્યાએ આધાર કાર્ડ જરૂરી છે. આ કાર્ડ યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) દ્વારા જારી કરવામાં આવે છે. સામાન્ય રીતે, આધાર કાર્ડ UIDAIની વેબસાઇટ પરથી ડાઉનલોડ કરી શકાય છે, પરંતુ હવે તેને WhatsApp મારફતે પણ સરળતાથી મેળવવાનો વિકલ્પ ઉપલબ્ધ છે.

WhatsApp પરથી આધાર કાર્ડ મેળવવા માટે, પહેલા MyGov Helpdesk નો સત્તાવાર નંબર +91-9013151515 તમારા ફોનમાં સેવ કરો. પછી WhatsApp ખોલીને આ નંબર પર ચેટ શરૂ કરો અને “Hi” લખીને મોકલો. ચેટમાં DigiLocker Services પસંદ કરો, જે માટે તમારી પાસે સક્રિય DigiLocker એકાઉન્ટ હોવું આવશ્યક છે. પછી તમારો આધાર નંબર અને OTP દાખલ કરીને ચેક કરો. આ પ્રક્રિયા પૂર્ણ થયા પછી, તમારા DigiLocker એકાઉન્ટમાં હાજર દસ્તાવેજોમાંથી આધાર કાર્ડ પસંદ કરીને તેને PDF ફોર્મેટમાં WhatsApp પર મેળવી શકો છો.